လီယို နဲ့ " အနမ်း " အကြောင်း

( အောက်မှာ ပြောမယ့်အရာတွေကို 

လီယို ကိုယ်စား ပြောတာ မဟုတ်ပါဘူး

ကျွန်တေ့အမြင်ကို ပဲ ပြောတာမို့လို့

တစ်ခုခု မှားခဲ့ရင်-

လီယို နဲ့ သက်ဆိုင်ခြင်း မရှိပါဘူး

ပြောတာတွေကို ကျွန်တော် တာဝန်ယူပါတယ်)

 ဟိုးအရင် (၂၀၀၁) အနှစ်နှစ်ဆယ် နီးပါးက သိမ်းထားတဲ့ (စီဒီ)ဘူးတွေကိုရှင်းလင်းရင်း  (ဘက်ကပ်) လီယို အနမ်း (စီဒီလေး) ပြန်တွေ့တော့-

( ဘေ့စ်) တွေ များနေတာကို လျှော့ပြီး အသံအတိုးအကျယ် (ဂိမ်း)လုံလောက်အောင်ပြည့်အောင်ဆွဲတင်တယ် 

သီချင်းအစ နဲ့ အဆုံးက ( နွိက်စ်) တွေကို ဖယ်တယ်

( နွိက်စ်)ရှင်းတဲ့အခါ မူလ သီချင်းရဲ့ အရသာပျက်သွားတတ်တာကို သတိထားမိလို့

သီချင်းအထဲက (နွိက်စ်) တွေကိုတော့ မထိဘူး

မူလသီချင်းအရသာကို ပျက်သွားစေတတ်လို့

မလိုအပ်ပဲ (အီကွေလက်ဇာ) မသုံးဘူး 

ဒါပေမဲ့

ကျွန်တော်ရထားတဲ့ သီချင်းတွေမှာ ဘေ့စ်များနေလို့ (ဘေ့စ် ဖရီကွဲန်စီ) ကို လျှော့ချတယ်

အသံတိုးနေလို့ နည်းနည်း ဆွဲတင်တယ်

 အခွေရပုံက-

၂၀၀၁ မှာ ယူအက်စ်က သူငယ်ချင်းတစ်ယောက် ရန်ကုန်အလည်ပြန်တုန်း 

ကိုစိန်လွင်၊ ကိုသိန်းတန်၊ မာမာအေး| မဆွေနဲ့ လီယို သီချင်းတွေကို (အမ်ပီသရီ-ဖောမက်) နဲ့ အဝယ်ခိုင်းလိုက်တော့ သူက ယင်းမာကနေ  ဝယ်လာပေးခဲ့ဖူးတယ် 

သူ့ကျေးဇူးကို မှတ်တမ်းတင်ပါရစေ

ယင်းမာက - ဘယ်သူက ဘာနဲ့ (စီဒီ)လုပ်ပေးလိုက်တယ်ဆိုတာကိုတော့ မသိဘူး

ရိုးရိုး ရောင်းတမ်း(ကက်ဆက်) ခွေကနေပဲ လုပ်ပေးလိုက်တာလား 

ဒါမှမဟုတ် 

(မာစတာတိတ်ပ်)က နေ လုပ်ပေးလိုက်တာလား 

မသိဘူး မသေချာဘူး

အသံတွေက (ကီး) တော့မှန်တယ် 

အနှေးအမြန် ငြိမ်တယ်ဆိုတော့ ကျေနပ်မိတယ် 

ဘာမှမရနိုင် မရှိတာထက် (ဪ မဆိုးဘူး) ဆိုပြီး ဝမ်းသာခဲ့တယ်

အားလုံးက (အမ်ပီသရီး) ဒါပေမဲ့ လီယိုအခွေတွေ က (အော်ဒီယိုစီဒီ) တွေ ဖြစ်နေတယ်

ကျွန်တော်က (ဘက်ကပ်)လုပ်လေ့ရှိတော့ အားလုံး (ဘက်ကပ်) အပို (စီဒီ) တွေ ထပ်လုပ်သိမ်းခဲ့တယ် 

အဲဒီတုန်းက- ဗမာပြည်(စီဒီ) တွေက (ကွာလတီ) မကောင်းဘူး

သိမ်းထားရင်းနဲ့ ပဲ (စီဒီ) ပေါ်က (လေဘယ်လ်) တွေလည်းကွာ အသံတွေပါ ဖတ်မရ ဆုံးရှုံးခဲ့ရဖူးတယ်၊

 ကံအားလျော်စွာ ကျွန်တော်က ဒီမှာ (စီဒီ)အသစ်တွေထပ်ဝယ်ပြီး  အဲဒီ (စီဒီ) မပျက်ခင် (ဘက်ကပ်)ထားခဲ့လို့ အခုလို ပြန်ရတာ

အနမ်း နဲ့ ပါတ်သက်ပြီး ပြောချင်တာက-

အနမ်းက လီယို ရဲ့ ဒုတိယအခွေ။

လီယိုတွေ ကိုယ်တိုင်လုပ်မယ်ဆိုပြီး လုပ်တော့

ရာမ ကိုဝင်းအောင်က ကူညီပေးခဲ့တယ်

ကိုဝင်းအောင် ကို အမှတ်ရ ကျေးဇူးတင်တယ်

မလွယ်ဘူး

စာသားစီစစ်ရေး ကြော်ငြာ ကက်ဆက်ခွေကာဗာ ဒီဇိုင်း ရိုက်တာရော ခွင့်ပြုချက်တွေရော 

တီးတာဆိုတာတွေနဲ့ကို မောနေတာ

နောက် ကိုအောင်မင်း သိတ်တော်တယ်

ကိုအောင်မင်းကို ကျေးဇူးတင်တယ်

အားလုံးကို သင်ပေးတယ်

သူလုပ်ချင်တာတွေက တော်တော်မြင့်တယ်

စာသားတွေက သူအများဆုံးရေးတာ ဒါပေမဲ့ သူက လီယို ပဲလို့ ပြောလေ့ရှိတယ်

လဲ့လဲ့ လည်း ရေးတယ် အောင်ဇေယျ ရေးတယ် 

ကျန်တဲ့သူတွေက သိတ်ဝါသနာမပါကြဘူး

ကျွန်တော်ရော။

အားလုံးကို ရေးတတ်အောင်လည်း

သင်ပေးတယ်

(နုတ်စ်) သင်ပေးတယ် အဆိုအတီး နဲ့ ( အရိမ့်ချ်မဲန့်) ပါသင်ပေးတယ်

 ( ပေါမာရီယဲတ် Paul Mauriat )ရဲ့( Love is blue) ကို ( ဘက်ကင်) တွေ ချရေးပြီး လေ့လာခိုင်းတယ် တီးရတယ် 

သီချင်းတွေရဲ့ (မယ်လိုဒီ) တွေကို (နုတ်စ်) နဲ့ ဆိုရတယ် ဖုံးနံပါတ်တွေ ကားနံပါတ်တွေ နံပါတ်တွေ့တိုင်း တွေ့ရင် ဖတ်ရင် (နုတ်စ်) နဲ့ အသံမှန်အောင် ဖတ်ရတယ်  

နောက်- 

အကြောင်းအရာမပြောဘူး

 ကိုယ်ပိုင်သံစဉ်တစ်ခုကို ပေးပြီး

ရေးချင်သလို စာသားတွေ ရေးခိုင်းတယ် 

အနမ်း အတွက် သီချင်းစာသားတွေက-

အခုပဲရေး အခုပဲဆိုတာတော့မဟုတ်ဘူး

ကိုအောင်မင်းစာသားတွေ က 

နှစ်ခြို့ ( ဝိုင်/ ဝီစကီ) လိုမျိုး

သူရေးလေ့ရှိတာက ကြုံရင် ကြုံသလို-

သူ့စာသားတွေက ဘတ်စ်ကားလက်မှတ်အနောက်ဖက် ဒါမှမဟုတ် ရုပ်ရှင်လက်မှတ်အဟောင်းအနောက်ဖက်တွွေနဲ့ စာရွက်မျိုးစုံအပေါ်မှာ ကြဲပြန့်နေတာ-

ဒိုင်ယာရီတွေအထဲမှာအပြည့်

ခေတ်တခေတ်ရဲ့ အဆိုးအကောင်းကို လွတ်လပ်စွာ ဝေဖန်နိုင်ခွင့် ရှိတယ်လို့ သဘောပေါက်နားလည်ထားတဲ့ ကိုအောင်မင်း နဲ့ လီယို ဟာ အဲဒီခေတ်က အာဏာရှင်အစိုးရကို အနုပညာစာသားတွေနဲ့ မှတ်တမ်းတင်ခဲ့တယ်

 စီစစ်ရေး လွတ်တာရော မလွတ်တာရော

အများကြီး

သီချင်းတွေက အချစ်သီချင်းအများဆုံး၊

သေသေချာချာနားထောင်ရင်-

နိုင်ငံရေးသီချင်းတွေဖြစ်နေတာကို မြင်ရမယ်

"ပြောပါလားကွယ်"

အချစ်စာသားတွေနဲ့ ဆိုထားတဲ့

နိုင်ငံရေးသီချင်း

"နှင့်ပါတ်သက်သမျှ" 

လင်မယားရန်ဖြစ်တဲ့ (၈၀ စတိုင်လ် ရက်ပ်)

မှာလည်း နိုင်ငံရေးဖွင့်ဆိုချက်တွေပါတယ်

"မူလ အနမ်း" က တော်တော်ကြမ်းသွားလို့ 

စာသားတော်တော်များများပြောင်းလိုက်ရတယ်

ဒါက စာသားတွေ အကြောင်း။

နောက်

(ရီကောဒင်း)အကြောင်း-

မေစတူဒီယိုမှာ ( အိပ်ထရက်) ရှစ်လိုင်း ဖမ်းတဲ့ နည်းနဲ့ (တိတ်) ခွေကြီးတွေနဲ့ ဖမ်းခဲ့တာ

အဲဒီတုန်းက ကိုရဲခေါင် ကိုကြည်မင်းသိမ်း နဲ့  ကိုကျော်ကျော် ကျေးဇူးတင်ရမယ်

တီးချင်ဆိုချင်တဲ့ လိုင်းတွေက ဆယ့်ခြောက်လိုင်းကျော်တယ် သူတို့က ရအောင် ပူးဖမ်းပေးတယ်

ကျွန်တော်နဲ့ ကိုအောင်မင်းက အိမ်ခြင်းကပ်ရကက်

ဖုံးဆက်စရာမလိုဘူး ကျွန်တော့် အခန်းကနေ ကိုအောင်မင်းအခန်းကို မြင်ရတယ် 

ကျွန်တော်တို့ မှာ ( "ဆို" နေကျ မယ်လိုဒီ) ရှိတော့ အဲဒါလေး လေချွန်လိုက်တယ်ဆိုရင် တစ်ယောက်နဲ့ တစ်ယောက် သိဖို့လွယ်တယ်

(ရီကောဒင်း) အတွက် (နုတ်စ်) တွေ ကို ကျွန်တော် ကိုအောင်မင်းကို ကူပြီးရေးပေးတယ်

တီးဖို့ တင်မကဘူး

ကိုရဲခေါင်တို့ကိုပါ ပြဖို့

လယ်ဂျာစာရင်းစာအုပ်ကြီးနဲ့ ရေးတာ

ပုံမှန် ( နုတ်စ်) လို တလိုင်းမှာ ( ကော့်ဒ်) အပြင်

ပါမဲ့ လိုင်းတွေအတွက် တစ်ခုချင်း မြင်အောင်ရေးပေးရတယ်

အပေါ်ဆုံးက နေ အောက်အထိ

(ဒရမ်စ်) တွေ အကုန်လုံး၊ (ဘေ့စ်) ( ဂီတာ)လိုင်း

တွေ  ( ကီးဘုတ်ဒ်) လိုင်းတွေ ( မိန်း )အဆိုလိုင်း

နောက် ( ဟာမိုနီ) လိုင်း တွေ ( ဘက်ကင် ) အော်တဲ့လိုင်းတွေ 

တချို့ကို မပူးချင်တဲ့အကြောင်း

(စပါယ်ရှယ် အီဖက်) ထည့်ချင်တဲ့ အကြောင်း

ဘယ် ညာ အသံလေး ပြေးချင်တဲ့အကြောင်း

ပြောပြရတယ် 

သူတို့တကယ် ခေါင်းစားခဲ့တာပါ

"နှင့်ပါတ်သက်သမျှ" နဲ့ "မနက်ဖန်" မှာ လဲ့လဲ့ရဲ့

( "နားမလည် "  နဲ့ မလိုဘူး" ) နောက် ကယ်ဗင်ရဲ့

( "ဟို "  "ဟာ "  " ဟူ "  " ဟာ" ) တွေကို ( ဟက်ဖုန်း) နဲ့ နားထောင်ကြည့်ပါ

(ကီးဘုတ်)တွေ ( ဂီတာ)တွေကို လည်း လိုင်းတွေခွဲခဲ့တာအများကြီး-

( ကော့်ဒ်)ကို ပုံစံမတူဘဲ ပြောင်းတီးတာကို ပေါ်ချင်တာတို့- 

( ကီးဘုတ်ဒ်အလုံးတွေကို ဘယ်ညာပြေးချင်တာတွေ -

ရတာလည်း ရသလို လိုင်းမလောက်လို့ ပေါင်းလိုက်ရတော့ လိုချင်သလို မဖြစ်ခဲ့တာတွေ အများကြီး-

အဲဒီတုန်း ( စဲန်းပလင်း ) - ကီးဘုတ်တွေထဲ ကို အသံအစစ် တွေ ရဲ့ အသံဖြစ်အောင် ထည့်တဲ့နည်းပညာ ထွင်နေဆဲခေတ်ဖြစ်တယ်

(အီးပီယမ်နို) တော့ ပေါ်ပြီ သိပ်မကောင်းသေးဘူး စန္ဒယားအသံအစစ်မရဘူး 

နောက် (ဂျူပီတာဖိုး)လို့ ခေါ်တဲ့ (စင်သီဇိုင်ဇာ)

 (ဘော်ကိုဒါ) အဲဒီတွေအထဲမှာ ကိုယ်လိုချင်တဲ့ အသံရအောင် အရင် ပြုပြင်ရတဲ့ ခေတ်၊ အဲဒီမှာ ပုံမှန်တီးသွင်းနေလေ့ရှိတာက (သည်အေးစစ်စ်) 

(The Aces) ဆိုတော့ သူတို့ ရှာ၊ သိမ်းထားခဲ့ တဲ့ အသံတွေရယ် ကိုရဲခေါင် ကိုကြည်မင်းသိမ်းတို့ ထပ်ရှာပေးတဲ့အသံတွေရယ်နဲ့ တီးရတယ်

(စင်သီဇိုင်ဇာ လိဒ် ဂီတာ) နဲ့ လည်း ထပ်ဖြည့်ရတယ်

ခုခေတ်အသံတွေကအရမ်းကောင်း

ဖမ်းရတာလည်း လိုင်းကြိုက်သလောက်

အဲဒီတုန်းက နဲ့ တခြားဆီပါပဲ

ကျွန်တော်တို့တုန်းက အနမ်းသီချင်းဆို သုံးပုဒ် ပေါင်းထားတာ

( အင်ထရို) က တစ်ခု

အလည်က တကဲ့ သီချင်း

အဆုံးက နောက်ထပ်တစ်ခု

 တနေ့နေ့မှာ (အမ်တီဗီ) ပြန်ရိုက်ဖြစ်ခဲ့မယ်ဆိုရင်-

သီချင်းအစက -

လူ့ဘဝ ဖြစ်တည်တဲ့ အခန်း

 အမိဝမ်းနဲ့ အပြင် လောက အခန်းမှာ တိုးဝင်လှုပ်ရှုားတဲ့ အိပ်မက်ဆန်ဆန် ဖြစ်စဉ်တွေရိုက်မယ်

အလည်မှာ ကတော့-

လူ့ဘဝ အကြောင်းပေါ့

အချစ်နဲ့  ပျော်စရာပါသလို -

အနိုင်ကျင့်ခံရတာတွေ ဘဝနာတာတွေ ပါမယ် တိုက်ခိုက်တော်လှန်တာတွေ ပါမယ်

အဆုံးကတော့-

ပြန်ထွက်ခါနီး တရားရှာတဲ့အကြောင်း-

အလင်းရောင်တွေထွက်နေတဲ့ ဟိုးအမြင့်ကြီး ဒါမှ မဟုတ် တောင်ပေါ်ကို တဖြည်းဖြည်းလှမ်းတက်သွားနေတဲ့သူတစ်ယောက်ကို ပြရင်း တဖြည်းဖြည်းဝေးပြီး ပျောက်သွားတာကို

ရိုက်မယ်လို့ တွေးထားတယ်

အနမ်း

သီချင်းအစ ( အင်ထရို) က လီယို  ပိုင်တယ်

အလည်က တော့ ( Air Supply) ပေါ့

အဆုံးက ဂျပန်သီချင်းတစ်ပုဒ်စတိုင်လ် နည်းနည်းမှီးတယ်

အမှန်က အဲဒီမှာ ( လိဒ်) တီးသလို  အဆို အော်ရမှာ လုပ်ချင်တာတွေ အရမ်းများခဲ့တဲ့ အကြောင်း နဲ့

ကျေးဇူးတင်တာတွေ ပြောပါရစေ

လင့်

Songs

MP3

Wave

အဖုံးတွေက ကိုနိုင်ကျော်နဲ့ ကို အဲလက်စ်

ကျေးဇူးပါဗျာ

စန်းအောင်

ဒီဇင်ဘာ ၁၂-  ၂၀၂၀